Eg kjem frå Sandeid og har hovudarbeidsplass i Haugesund. Eg brukar Medvind-kontoret i Sandeid nokre dagar for å sleppe reising kvar dag, men og for å komma nærare kundar i distriktet.

Alternativet ville vore å ha heimekontor, det er jo billegare men mindre profesjonelt. Her har me det me treng, møterom, skrivar og i tillegg kjem me i kontakt med andre bedrifter.

Alternativet for meg er heimekontor, det blir litt vel stusseleg og veldig lite effektivt.

Me har opna kontor her i Etne fordi me ser at det skjer utruleg mykje spanande på indre Haugalandet som me vil ta del i. Me har og eit inntrykk av at befolkninga her er opptatt av å handla lokalt og me håpar på at det å vera til stades i bygda vil senke terskelen for å ta kontakt med oss og at me kan komma inn tidlegare i prosessen.

For meg var det heilt avgjerande for å starte opp at eg kunne driva firmaet mitt i ein næringshage, og då Medvind i Ølensvåg. Her har eg sosial omgang med andre og kan få gode innspel på mine tenester og produkt. Å sitje heime på eit kontor hadde ikkje passa meg. Eg er vel litt sosialt anlagt.

Det er to viktige grunnar for oss. Det eine er at det er gode fasilitetar her med mellom anna fine og reine kontor, møterom og kaffimaskin. Den andre grunnen er nettverket og miljøet me er ein del av.